Armweeklynews.amՄՇԱԿՈՒՅԹ
 

 

  Մայիսի 22-ին Արցախում հիմք դրվեց ազգային համաձայնությանը, հերթը Հայաստանինն է  

Հայկական քաղաքական կուսակցությունների երկրորդ համաժողովի մասնակիցները միջոցառման ավարտից հետո տարածել են համատեղ հայտարարություն, որտեղ ասված է.

«Մենք` 2016 թվականի մայիսի 21-22-ը քաղաք Ստեփանակերտում անցկացված Հայկական կուսակցությունների երկրորդ ֆորումի մասնակիցներս, կարևորելով`

• Հայաստանի և Լեռնային Ղարաբաղի Հանրապետությունների քաղաքական համակարգերի հետագա զարգացումը,
• Ժողովրդավարական արժեքների հետևողական ներդնումը,
• Մարդու հիմնարար ազատությունների և իրավունքների իրացումը,
• Կուսակցությունների համագործակցությունը և քննարկումները համահայկական նշանակության, այդ թվում` ադրբեջանա-ղարաբաղյան հակամարտության խաղաղ կարգավորման և ԼՂՀ միջազգային ճանաչման հարցերում,
• Քաղաքական գործունեության կազմակերպումն ու իրացումը բացառապես Լեռնային Ղարաբաղի Հանրապետության և Հայաստանի Հանրապետության սահմանադությունների շրջանակում,

Հպարտանում ենք ապրիլյան պատերազմի ընթացքում Լեռնային Ղարաբաղի պետական կառույցների կազմակերպվածությամբ և Պաշտպանության բանակի ցուցաբերած արիությամբ, անձնազոհությամբ ու հաղթական ոգով և մեր ողջ ժողովրդի դրսևորած միասնականությամբ:

Դատապարտում ենք Ադրբեջանի Հանրապետության ռազմական ագրեսիան և ահաբեկչական գործողութուններն ընդդեմ Լեռնային Ղարաբաղի Հանրապետության և հայ ժողովրդի, ինչպես նաև պետական մակարդակով իրականացվող հայատյացության ու անհանդուրժողականության քաղաքականությունը:

Ընդգծում ենք, որ կուսակցությունները մեր քաղաքացիների քաղաքական, իրավական, սոցիալական, հումանիտար, տնտեսական և այլ շահերի ամենաարդյունավետ արտահայտողներն են :

Հավաստում ենք, որ կուսակցությունները Հայաստանի և Արցախի ներքին և արտաքին մարտահրավերներին լիարժեք դիմակայելու նպատակով լրացուցիչ ջանքեր պետք է գործադրեն իրենց ինտելեկտուալ, կազմակերպչական, կառուցվածքային և այլ կարողություններն ու հնարավորություններն ընդլայնելու համար:

Կարևորում ենք քաղաքական համերաշխության և հասարակական համախմբվածության կենսական նշանակությունը ազգային անվտանգությանը վերաբերող հիմնախնդիրների, մասնավորապես, ղարաբաղյան հիմնախնդրի՝ միջազգային իրավունքի հիման վրա լուծման նպատակով:

Ամրագրում ենք, որ արտաքին քաղաքականության ոլորտում ՀՀ և ԼՂՀ համար ռազմավարական նշանակության հարցերում կուսակցությունների ընդգրկուն համագործակցությունն անհրաժեշտություն է:

Առաջնահերթություն ենք համարում նման համագործակցությունն ակտիվորեն օգտագործելը մեզ հասանելի բոլոր միջազգային հարթակներում :

Վերահաստատում ենք նման ձևաչափով քննարկումների կարևորությունը, և պատրաստակամությունը դրանք դարձնել պարբերական և մշտապես կազմակերպել Արցախի Հանրապետությունում՝ ներառելով կուսակցական կառույցների հնարավորինս լայն շրջանակ` կանանց կազմակերպություններ, երիտասարդական թևեր, փորձագետներ և այլն»:

ք. Ստեփանակերտ
22 մայիսի, 2016 թվական

Հայաստանի Հանրապետական կուսակցություն
Ազատ դեմոկրատներ կուսակցություն
Ազատ Հայրենիք կուսակցություն
Ազատություն կուսակցություն
Ազգային միաբանություն կուսակցություն
Արցախի ժողովրդավարական կուսակցություն
Բարգավաճ Հայաստան կուսակցություն
Հայ Յեղափոխական Դաշնակցության Արցախի կառույց
Հայ Յեղափոխական Դաշնակցություն
Հայաստանի Քրիստոնեա-դեմոկրատական միություն
Հզոր Հայրենիք կուսակցություն
Միացյալ Ազատական Ազգային Կուսակցություն
Վերակազմյալ սոցիալ-դեմոկրատ հնչակյան կուսակցություն


_______________________________________________________________________________
Armweeklynews [24.05.2016]
Մայիսի 22-ին Արցախում հիմք դրվեց ազգային համաձայնությանը, հերթը Հայաստանինն է
© 2010-2018  Կապը »  Contacts Այցելեք » Facebook
  ԼՐԱՀՈՍ  

2016 թ. հունվարի 1-ից մինչև մայիսի 1-ը Ազգային ժողովը ծախսել է 605 լ բենզին՝ օրական [24.05.2016]

Սերժ Սարգսյանին. ով պետք է պատասխան տա զենքի ստացումն 8 ամիս ուշացնելու համար [24.05.2016]

Logical Arrays : Ինչու նախագահն ազատեց ԶՈՒ սպառազինությունների պետին [23.05.2016]

Երբ գրապանահատությանն ասում են սխալանք. բենզինը թանկացավ, իսկ լիցքը պակասեց [23.05.2016]

Կոռուպցիոն մետամորֆոզներ.սպառողներին մատակարարվող գազի գինն իջնելու է 9.3 դրամով [23.05.2016]

Ստիպված ենք նաև դիմակայել Բաքվին Իսրայելի ռազմական նոր աջակցությանը [23.05.2016]

2006-2016 Վրաստանում ռադիոակտիվ նյութերի մաքսանենգության 24 դեպք է գրանցվել, 3-ում են հայեր [22.05.2016]

Մասնակցեք - Գերմանիայում և Թուրքիայում ստորագրահավաք ի պաշտպանություն Գարօ Փայլանի և ընկերների [22.05.2016]

Եզդիներն անիծում են Սայքս-Պիկոյի համաձայնագիրը և վճռական են պետություն ստեղծել [22.05.2016]

ՀՅԴ-ՀՀԿ կոալիցիայի 100-րդ օրն էլ մոտեցավ, արդյունքը `- 800 մեքենա, + 2 նախարարություն [22.05.2016]

Հռոմի պապ: հարուստների կողմից աղքատների շահագործումն արնախմություն է [21.05.2016]

Հայուհի լեռնագնացն առաջին անգամ բարձրացել է Էվերեստի (Ջոմոլունգմա) գագաթը [21.05.2016]