Armweeklynews.amՄՇԱԿՈՒՅԹ

 

  Վստահենք միայն մեր բնազդին. C-400 համակարգերը կվաճառվեն Թուրքիային և Ադրբեջանին  

Ռուսական RBK հեռուստաընկերության տվյալներով Ռուսաստանը և Թուրքիան սկզբունքային համաձայնության են եկել ռուսական C-400 զենիթահրթիռային համակարգերը Թուրքիային վաճառելու վերաբերյալ:

Ռուսական կողմը սահմանել է մատակարարման գինը՝ 500 մլն դոլար:

Հիշեցենք, որ մայիսի 3-ին Սոչիում հանդիպել էին Ռուսաստանի նախագահ Պուտինը և Թուրքիայի նախագահ Էրդողանը:

Թուրքիայի արտգործնախարար Մեվլութ Չավուշողլուն ևս հաստատել է, որ Ռուսաստանի հետ կա համաձայնություն C-400 համակարգերի գնի ու քանակի վերաբերյալ և Թուրքիան գնելու է այդ համակարգերը: Նման գործարքի առկայությունը շաբաթներ առաջ հաստատել էր նաև Թուրքիայի պաշտպանության նախարարը, սակայն հայտարարել էր, որ 2017 թվականի ապրիլի վերջին C-400 համակարգերի մատակարաման վերաբերյալ դեռևս համաձայնություն չկա:

Ռուսական և թուրքական մամուլում վերլուծաբանների կողմից երկու պատճառներ են բերվում C-400 համակարգերի մատակարարման վերաբերյալ վերջնական համաձայնության համար:

 Քանակ և արժեք

Թուրքիան ցանկանում է Ռուսաստանից գնել C-400 համակարգերը սակայն ռուսական կողմի վարկի դիմաց, ինչպես դա արվել է Հայաստանի պարագայում , երբ ռուսական կողմը զենք մատակարեց Հայաստանին, սակայն վարկ ձևակերպեց շուրջ 200 մլն դոլարի: Չկա համաձայնություն նաև քանակի վերաբերյալ: Տարբեր աղբյուրներ նշում են 3 կամ 4 միավորներ, սակայն քանակը մնում է անհայտ: Հավանաբար Թուրքիան ցանկանում է 500 մլն դոլարի դիմաց գոնե մեկ միավոր ավելին ստանալ և ասիական ոճով շարունակում է գնի շուրջ բանակցել:

ՆԱՏՕ-ի անդամություն

Երկրոդ հանգամանքը, որի շուրջ մտահոգություն կա Ռուսաստանի մոտ դա այն է, որ Թուրքիան , լինելով ՆԱՏՕ-ի անդամ կարող է C-400 համակարգերի տեխնոլոգիական գաղտնիքները տրամադրել ՆԱՏՕ-ի անդամ այլ երկրների կամ ՛՛երրորդ՛՛ կողմի: Հավանաբար Ռուսաստանը պահանջում է լրացուցիչ երաշխիքներ այս հարցում:

Հայաստանում պարտավոր են ուշի ուշով հետևել այս գործարքի ընթացքին, քանի որ Թուրքիայում C-400 համակարգերի հայտնվելը կարող է ոչ տեղին ոգևորություն առաջացնել Բաքվում և Ադրբեջանը գնա հերթական արկածախնդրության Լեռնային Ղարաբաղի դեմ:

Ստվերային հանգամանքը,որը թերևս տեսականորեն հնարավոր կարելի է համարել, սակայն՝ երբեք չբացառել, դա այն է, որ C-400 համակարգերի մատակարման համար Թուրքիան բանակցություններ է վարում և իր անունից, և՝ Ադրբեջանի: Չենք բացառում, որ ռուսական կողմի պահանջած 500 մլն դոլարը անտոկոս վարկի դիմաց Թուրքիային տա Ադրբեջանը, սակայն առնվազն մեկ միավոր տեղափոխի Ադրբեջան:

Եթե որևէ մեկը կարծում է, որ Ռուսաստանը չի բանակցի Թուրքիայի հետ նաև Ադրբեջանի համար, ուրեմն լավ չի հասկանում վերջին տասնամյակում ռուսական քաղաքականությունը մեր տարածաշրջանում:


________________________________________

Armweeklynews.am [07.05.2017]
Վստահենք միայն մեր բնազդին. C-400 համակարգերը կվաճառվեն Թուրքիային և Ադրբեջանին
© 2010-2017  Կապը »  Contacts Այցելեք » Facebook
Most popular tags
Արցախ  Երվանդ Քոչար  Հռոմի պապ  Արթուր Սարգսյան Հաց Բերողը  Nor Zartonq  Հայ-թուրքական արձանագրություններ Ethiopian Music  Գրիգոր Զօհրապ  маршал Баграмян  Ermeni  Արսինե Խանջյան  Շառլ Ազնավուր  Cyprus elections  Հալեպ  սակագներ  Data Driven  Marvel  Disney movies Lucasfilm  Netflix  Ռուբեն Վարդանյան  Helen Fisher
  ԼՐԱՀՈՍ  
Աղտոտման վտանգի տակ են Կեչուտի ջրամբար, Սևանա լիճ և Արփա գետ հոսող ջրերը [06.05.2017]
Եթե ձերբակալել են Ռեզա Զառռաբին, ուրեմն պետք է ձերբակալեին նաև Իլհամ Ալիևին [06.05.2017]
ԵՐՎԱՆԴ ԱԶԱՏՅԱՆ-Հայերս արդեն ուժասպառ ենք եղել այս աշխարհի կեղծ բարեպաշտությունից [05.05.2017]
Խորհրդատվություն ՛՛Լուսավոր Հայաստան՛՛ կուսակցությանը ՍԴ-ի ելքի ու մուտքի մասին [04.05.2017]
Ցեղասպան Թալեաթի հիշատակը Ստամբուլում պետական միջոցներով է փառաբանվում [27.04.2017]
Հեյ, ո՞վ կա առողջապահության նախարարությունում .. [26.04.2017]
2017 ապրիլի 24 - Մեր հայրենիքը գայլի երախում է [26.04.2017 ]
Եթե հարցը հայերին է վերաբերում, թուրքական հետախուզությունը լավ է աշխատում [22.04.2017]
Քրդացած Արևմտյան Հայաստանին նաև թուրքմենացման վտանգ է սպառնում [22.04.2017]
Լավ կլինի, եթե ընտանիքի բոլոր անդամներն առաջնորդվեն Սերժ Սարգսյանի տեսակետով [20.04.2017 ]
Զատիկ - Կարմիր ձուն մեր ձեռքերի մեջ առնելով` հռչակում ենք մեր փրկությունը [15.04.2017 ]
ՌԱԿ Գերագոյն խորհուրդի եւ Կեդրոնական վարչութեան Միացեալ Յայտարարութիւնը [12.04.2017]
Սիրիան այն տարածքը չէ, որի համար երկու գերտերություն բախվեն [10.04.2017]
ԹՐՔԱԾԻՆ ՀԱՅԵՐ, ԹԷ ՀԱՅԱԾԻՆ ԹՈՒՐՔԵՐ [04.03.2017]