Armweeklynews.amՄՇԱԿՈՒՅԹ

 

  ՎԵՐԱԴԱՐՁ է դեպի մեր հայրենիք կամ ՎԵՐԱԴԱՐՁ է մեր աքսորից  

ՎԵՐԱԴԱՐՁ - Return to Armenia – Veratarts

Ես Հայաստանն իմ միակ հայրենիքն եմ համարում, չնայած նրան, որ ապրել եմ շատ երկրներում եւ այժմ էլ Միացյալ Նահանգների քաղաքացի եմ: Այնպես որ, երբ ես գնում եմ Հայաստան 1 օրով, շաբաթով, ամսով կամ 10 տարով, վերադառնում եմ իմ ՀԱՅՐԵՆԻՔ Հայաստան կամ ՎԵՐԱԴԱՐՁ եմ կատարում:

Երբ ինչ-որ մեկն ասում է, որ եթե մարդը ծնվել է այլ երկրում, եւ նրա Հայաստան գնալը հետեւաբար չի կարող կոչվել ՎԵՐԱԴԱՐՁ, դա նշանակում է, որ նա չի հավատում, որ Հայաստանը իր միակ հայրենիքն է: Սա շատ կարեւոր կետ է, որը պետք է հասկանան ու գնահատեն, հատկապես հայոց պատմության պրոֆեսորները, մի բան, որ թվում է չի արվում:

Մեր պապերը դաժանաբար սպանվել եւ դուրս են նետվել մեր հայրենիքից:

Մենք աքսորուած ենք մեր հողերեն: Հետեւաբար, ցանկացած ոք, ով պատրաստվում է վերադառնալ Հայաստան կամ Թուրքիայում գտնվող նախկին հայկական հողերը 1 օրով կամ ընդմիշտ, ՎԵՐԱԴԱՐՁ է դեպի մեր հայրենիք կամ ՎԵՐԱԴԱՐՁ է մեր աքսորից:

 Հենց այս մտածելակերպի մասին է իմ ծրագիրը: Եթե դուք չեք հասկանում դա եւ չեք կարողանում բացատրել մյուսներին, մենք որպես ազգ դատապարտված ենք՝ հաշվի առնելով Սփյուռքում խառնամուսնությունների եւ ուծացման հսկայական տենդենցը եւ արտագաղթը Հայաստանից:

Սա հիմնարար սկզբունք է, եւ եթե մեր ուսուցիչները եւ մտավորականները չեն հասկանում դա եւ գնում են Հայաստան՝ ասելով բաներ, որ տարբերում կամ բաժանում է Հայաստանից, ապա դա պետք է քննադատել, ով էլ լինի այդ մարդը: Քանի որ դա հենց այն է, ինչը ցանկանում է ներկա ռեժիմը, այն է ստեղծել բաժանումներ Հայաստանի եւ Սփյուռքի միջեւ, այս բաժանումը թուլացնում է մեզ եւ կարող է խրախուսել արտագաղթը: Սա ոչ թե անձնական հարձակում է մեկի դեմ, այլ հիմնական տարբերությունն է այն գաղափարախոսության, թե ով ենք մենք առաջին հերթին:

ՈՉ ՈՔ չի արտագաղթում մեկ այլ երկրի, հատկապես մի այնպիսի «ռիսկային» երկիր, ինչպիսին Հայաստանն է, առանց այնտեղ մի քանի անգամ գնալու եւ գնահատելու: Եւ եթե նա որոշում է տուն գնել Հայաստանում, եւ այնտեղ գնալ տարվա մեջ մի քանի ամիս, ապա դա նույնպես ՎԵՐԱԴԱՐՁ է: Եթե մենք մի պայման ենք դնում, որ ցանկացած Վերադարձ պետք է լինի մշտական, ապա մենք ստեղծում ենք սահմանափակումներ, եւ պատճառներ, որպեսզի Հայաստան չվերադառնան: Մենք պետք է խրախուսենք բոլորին, որպեսզի այցելեն Հայաստան, ինչ-որ բան անեն այնտեղ եւ կապ պահպանեն: Աշխարն այսօր ուրիշ է: Դուք կարող եք ապրել մշտապես մի երկրում, բայց անել շատ այլ բաներ, բազմաթիվ այլ երկրներում:

ԱՄՆ-ը ոչ միայն իր երկիրն է ներկայացնում, այլ նաեւ հանդես է գալիս այլ երկրների վրա ունեցած ազդեցությամբ: ՀԲԸՄ-ն հիմնել է Հայաստանի Ամերիկյան Համալսարանը, որը ոչ այլ ինչ է, քան ԱՄՆ-ի ուղղակի մշակութային ազդեցությունը Հայաստանի վրա , որը կարող է նաեւ հանգեցնել քաղաքական ազդեցության: Ինչու՞ ՀԲԸՄ-ն չհիմնեց հայկական համալսարան Հայաստանում: Ինչպե՞ս կարող է հայկական կազմակերպությունը հիմնել Ամերիկյան Համալսարան: Որովհետեւ ՀԲԸՄ-ն չի հավատում Այվազյանի նշած առաջին սկզբունքին, էլ չխոսենք մնացած 5-ի մասին: Կա՞ արդյոք Իսրայելի Ամերիկյան Համալսարան: Ո՛չ: Իսկ ինչու՞ ոչ: Իսրայելը կարող է ունենալ 10 Ամերիկյան Համալսարան, ճի՞շտ է: Իսկ ինչու՞ նույնիսկ մի համալսարան չունեն: Քանի որ նրանք կառուցում են իսրայելական ինքնությունը, ոչ թե ամերիկյան, ֆրանսիական կամ այլ:

Հայերը պետք է կառուցեն հայկական ինքնությունն ամբողջ աշխարհում: ԵՒ ԵՐԲ ԵՍ ՀԱՅԱՍՏԱՆ ԵՄ ՄԵԿՆՈՒՄ ԵՒ ԱՇԽԱՏՈՒՄ ՏԱՐԲԵՐ ԾՐԱԳՐԵՐԻ ՎՐԱ, ԵՍ ԴԱ ՉԵՄ ԱՆՈՒՄ ՆՐԱ ՀԱՄԱՐ, ՈՐՈՎՀԵՏԵՎ ԱՄՆ ՔԱՂԱՔԱՑԻ ԵՄ, ԱՅԼ ՈՐՈՎՀԵՏԵՎ ՀԱՅ ԵՄ: Նման գաղափարախոսությունն է, որ պետք է տարածվի աշխարհի հայերի մեջ: Հրեաները հասկացան դա 2000 տարի անց: Ուզու՞մ եք, որ 2000 տարի սպասենք դրա համար:

Չխրախուսելով բոլորին գնալ Հայաստան եւ ինչ-որ բան անել երկրի համար, անկախ նրանից, թե մշտկան բնակիչ է, կամ միայն շատ կարճ ժամանակով է այնտեղ՝ մենք մեկուսացնում եւ բաժանում ենք ինքներս մեզ, անում ենք այն, ինչ մեր ներքին եւ արտաքին թշնամիներն են ցանկանում. արդյունքում Հայաստանը կմնա առանց հայերի կամ նման մի բան: Ցանկացած ոք, ով պատրաստվում է վերադառնալ Հայաստան, ՎԵՐԱԴԱՐՁ է համարվում, քանզի ոչ ոք չի կարող նախապես որոշել որեւէ մեկի վերջնակետը:

Ոչ Հայաստանը, ոչ էլ Սփյուռքը կարծես թե չունեն այս մոտեցումը Հայաստանի նկատմամբ:


Harout Bronozian
Glendale, California


________________________________________

Armweeklynews.am [17.05.2017]
ՎԵՐԱԴԱՐՁ է դեպի մեր հայրենիք կամ ՎԵՐԱԴԱՐՁ է մեր աքսորից
© 2010-2017  Կապը »  Contacts Այցելեք » Facebook
Most popular tags
Արցախ  Երվանդ Քոչար  Հռոմի պապ  Արթուր Սարգսյան Հաց Բերողը  Nor Zartonq  Հայ-թուրքական արձանագրություններ Ethiopian Music  Գրիգոր Զօհրապ  маршал Баграмян  Ermeni  Արսինե Խանջյան  Շառլ Ազնավուր  Cyprus elections  Հալեպ  սակագներ  Data Driven  Marvel  Disney movies Lucasfilm  Netflix  Ռուբեն Վարդանյան  Helen Fisher
  ԼՐԱՀՈՍ  
Աղտոտման վտանգի տակ են Կեչուտի ջրամբար, Սևանա լիճ և Արփա գետ հոսող ջրերը [06.05.2017]
Եթե ձերբակալել են Ռեզա Զառռաբին, ուրեմն պետք է ձերբակալեին նաև Իլհամ Ալիևին [06.05.2017]
ԵՐՎԱՆԴ ԱԶԱՏՅԱՆ-Հայերս արդեն ուժասպառ ենք եղել այս աշխարհի կեղծ բարեպաշտությունից [05.05.2017]
Խորհրդատվություն ՛՛Լուսավոր Հայաստան՛՛ կուսակցությանը ՍԴ-ի ելքի ու մուտքի մասին [04.05.2017]
Ցեղասպան Թալեաթի հիշատակը Ստամբուլում պետական միջոցներով է փառաբանվում [27.04.2017]
Հեյ, ո՞վ կա առողջապահության նախարարությունում .. [26.04.2017]
2017 ապրիլի 24 - Մեր հայրենիքը գայլի երախում է [26.04.2017 ]
Եթե հարցը հայերին է վերաբերում, թուրքական հետախուզությունը լավ է աշխատում [22.04.2017]
Քրդացած Արևմտյան Հայաստանին նաև թուրքմենացման վտանգ է սպառնում [22.04.2017]
Լավ կլինի, եթե ընտանիքի բոլոր անդամներն առաջնորդվեն Սերժ Սարգսյանի տեսակետով [20.04.2017 ]
Զատիկ - Կարմիր ձուն մեր ձեռքերի մեջ առնելով` հռչակում ենք մեր փրկությունը [15.04.2017 ]
ՌԱԿ Գերագոյն խորհուրդի եւ Կեդրոնական վարչութեան Միացեալ Յայտարարութիւնը [12.04.2017]
Սիրիան այն տարածքը չէ, որի համար երկու գերտերություն բախվեն [10.04.2017]
ԹՐՔԱԾԻՆ ՀԱՅԵՐ, ԹԷ ՀԱՅԱԾԻՆ ԹՈՒՐՔԵՐ [04.03.2017]