Armweeklynews.amՄՇԱԿՈՒՅԹ

 

  Ազնվություն +պրոֆեսիոնալիզմ –կոռուպցիա = հին շորերով՝ նոր տանգո...  

Տարեց տարի ՀՀ նախագահ Սերժ Սարգսյանի հրապարակային ելույթների և ուղերձների ոճն ու բովանդակությունը սկսում է նմանվել առաջնորդի խոսքի:

Նույնիսկ ընդդիմությունը չի կարող այժմ ասել առավել բնութագրիչ քննադատական խոսքեր մեր ներկայի և առավել հստակ ու հուսադրող խոսքեր՝ մեր ապագայի մասին: Կամ նախագահի PR ՛՛գրիչներն՛՛ են փոխվել, կամ նախագահը վերջապես հասկացել է , որ իր անձով և խոսքով պետք է օրինակ ծառայի նրանց համար , ովքեր տարիներ շարունակ իրենց էլիտա են համարում, սակայն սովորական հարստացած վաշխառուներ ու պետական պաշտոնների առ ու վաճառքի կոմիվոյաժորներ են:

Կապրենք , կտեսնենք: Իսկ առայժմ էլիտայի համար չգրված օրենք .որքան բարձր դիրք, այնքան բարձր գին՝ դոլարով:

Որքան բարձր դիրք, այնքան շոշափելի անձեռնմխելիություն ՝ այժմ , և հետո՝ դոլարով:

ՀՀ նախագահ Սերժ Սարգսյանի ուղերձը 6-րդ գումարման Ազգային ժողովին իրապես երկրի ղեկավարի և առաջնորդի ուղենիշային հստակ ելույթ էր: Սակայն ովքե՞ր էին ունկնդրողները: Նրանք ովքեր հիմա էլ պատրաստվում են ՛՛հին շորերով նոր տանգո պարել՛՛:

Ունենք նոր Սահմանադրություն, նոր կառավարման համակարգ, սակայն …նույն մարդիկ, ովքեր երկար տարիներ եղել են մեր երկրի կառավարման վերին օղակներով և նրանց ՛՛շնորհիվ է՛՛, որ այսօր Սերժ Սարգսյանը ստիպված է տալ անդունդից դուրս գալու բանաձևը:

Իր ելույթում նախագահն ասել է.՛՛ Ազնվություն գումարած պրոֆեսիոնալիզմ հանած կոռուպցիա. սա է ցանկալի հաջողության բանաձևը՛՛: Հետաքրքիր է, արդյո՞ք նախագահը վստահ է, որ նրանք , ովքեր լսեցին բանաձևի մասին, հասկացան, որ խոսքը հենց իրենց է ուղղված: Չէ որ այդ կարգի և անգամ ավելի խիստ բնորոշմամբ, խոսքեր ու ուղերձներ էլի են լսել:

Հետաքրքիր է, Սերժ Սարգսյանը չի հոգնե՞լ մշտական, անփոփոխ ունկնդիրներից.. ծով համբերություն է պետք և նախագահին, և հասարակ քաղաքացիներին, ովքեր ևս մի հինգ տարի տեսնելու են  նույն դեմքերն ու նույն ՛՛թայֆաները՛՛ Ազգային ժողովում: Ունենք նոր Սահմանադրություն, նոր զարգացման ուղենիշներ նախագահի կողմից, նոր կառավարման համակարգ, սակայն՝ ՛՛հին դեմքեր՛՛:

  Ինչու՞ պետք է այս ազգը շարունակ իր հետ ՛՛քարշ տա հնոտիք՛՛:

Գուցե ժամն էր սերնդափոխության: Այդ էլ հետաձգեցինք՝ առնվազն հինգ տարով: Փաստորեն, մենք կառավարման համակարգում հեղափոխություն ենք անում, սակայն դանդաղեցված կադրերով, ինչպես հետազոտական ֆիլմերում: Եվս հինգ տարի համբերենք… 25 տարվա համբերության մոտ 5 տարին էլ կանցնի:

ՀՀ նախագահը հայտարարեց , որ ժողովրդագրական իրավիճակի էական և կտրուկ բարելավման արդյունքում 2040 թվականին պետք է հասնել առնվազն 4 միլիոն բնակչի: Երկու ձեռքով և ի սրտե կողմ ենք այս նպատակին:

Ազնվություն +պրոֆեսիոնալիզմ –կոռուպցիա =….4 մլն հայաստանցի:

Հավատում ենք և պահանջում: Եթե ցանկանում ենք 2040 թվականին ունենալ 4 մլն բնակչություն, ապա առնվազն 2017-ի վերջում պետք է ունենանք ոչ թե արտագաղթ, այլ ՝ ներգաղթ… թեկուզ՝ մեկ մարդու դրական հաշվեկշռով:

Եթե ոչ, ուրեմն 2080-ին էլ չենք հասնի մեր նպատակին: Եթե ժողովրդագրական առումով 2017թ-ի վերջում չդադարեց արտագաղթը, ապա նախագահը պարտավոր է ազատել մեր երկիրն ու կառավարման համակարգը ՛՛հնոտիքից՛՛ և գնա նրանք, ովքեր կարող են կանգնեցնել արտագաղթը:

Այստեղ չկան ՛՛մերոնք՛՛ և ՛՛ձերոնք՛՛ … գոյության հարց է:


Էդիկ Հովսեփյան


________________________________________

Armweeklynews.am [26.05.2017]
Ազնվություն +պրոֆեսիոնալիզմ –կոռուպցիա = հին շորերով՝ նոր տանգո...
© 2010-2017  Կապը »  Contacts Այցելեք » Facebook
Most popular tags
Արցախ  Երվանդ Քոչար  Հռոմի պապ  Արթուր Սարգսյան Հաց Բերողը  Nor Zartonq  Հայ-թուրքական արձանագրություններ Ethiopian Music  Գրիգոր Զօհրապ  маршал Баграмян  Ermeni  Արսինե Խանջյան  Շառլ Ազնավուր  Cyprus elections  Հալեպ  սակագներ  Data Driven  Marvel  Disney movies Lucasfilm  Netflix  Ռուբեն Վարդանյան  Helen Fisher
  ԼՐԱՀՈՍ  
Դոնալդ Թրամփ. հայերի ծեծ Վաշինգտոնում, հայ երգի ունկնդրում Երուսաղեմում [22.05.2017 ]
Վանաձոր-Լոս Անջելոս համագործակցության նոր կամուրջ [20.05.2017]
ՎԵՐԱԴԱՐՁ դեպի մեր հայրենիք կամ ՎԵՐԱԴԱՐՁ մեր աքսորից [17.05.2017 ]
Ռաբբին և խոզի միսը , ինչպես Ադրբեջանը և հանդուրժողականությունը [11.05.2017]
Վստահենք միայն մեր բնազդին. C-400 համակարգերը կվաճառվեն Թուրքիային և Ադրբեջանին [07.05.2017]
Աղտոտման վտանգի տակ են Կեչուտի ջրամբար, Սևանա լիճ և Արփա գետ հոսող ջրերը [06.05.2017]
Եթե ձերբակալել են Ռեզա Զառռաբին, ուրեմն պետք է ձերբակալեին նաև Իլհամ Ալիևին [06.05.2017]
ԵՐՎԱՆԴ ԱԶԱՏՅԱՆ-Հայերս արդեն ուժասպառ ենք եղել այս աշխարհի կեղծ բարեպաշտությունից [05.05.2017]
Խորհրդատվություն ՛՛Լուսավոր Հայաստան՛՛ կուսակցությանը ՍԴ-ի ելքի ու մուտքի մասին [04.05.2017]
Ցեղասպան Թալեաթի հիշատակը Ստամբուլում պետական միջոցներով է փառաբանվում [27.04.2017]
Հեյ, ո՞վ կա առողջապահության նախարարությունում .. [26.04.2017]
2017 ապրիլի 24 - Մեր հայրենիքը գայլի երախում է [26.04.2017 ]
Եթե հարցը հայերին է վերաբերում, թուրքական հետախուզությունը լավ է աշխատում [22.04.2017]
Քրդացած Արևմտյան Հայաստանին նաև թուրքմենացման վտանգ է սպառնում [22.04.2017]
Լավ կլինի, եթե ընտանիքի բոլոր անդամներն առաջնորդվեն Սերժ Սարգսյանի տեսակետով [20.04.2017 ]