Armweeklynews.amՄՇԱԿՈՒՅԹ
 

 

  ԱՐԱՔՍ ՓԻԼԱՒՃԵԱՆԻՑ Կարօտի ու թախծի քրոնիկոններ  

Կարօտի ու թախծի քրոնիկոններ

*********

Կարօտի այցեքարտը կորսուեցաւ
Տար անդէմ կարօտը
Տա՛ր անդէմ աչերը,
Աւար էր հոգին
Գերի, անկենդան։
Ծփացող մոմերը հալեցան,
Բեմէն վեր ելան...
Ծափերը անաւարտ՝
Սպառեցան։
Հանդէս էր, սիրտը գող,
Սուտը խռով։
Թունդ էր գինին,
Բաժակը գինով,
Ըմպէ՛ թախիծն անիրական,
Փուճ էր պատրանքը դիւթական,
Ստորակէտ, թէ կախման կէտ,
Անսկիզբ էր աւարտը...
Խաչմերուկին առագաստը։

*********

Ցորեանի հասկերը յուշիկ դողացին,
Շիկնած դէմքդ շոյեցին,
Գեղուհին է,- փսփսացին,
Մանուշակները սիրերգութիւն հիւսեցին։
Երբ գեղանկարը կը հմայէ...

*********

Երգդ աղօթք լուսէ՝
Երկինք կը բուրէ,
Արծաթ լարերով
Դիւթիչ՝ կը հմայէ,
Բռնեմ կապոյտը երգիդ,
Շաղեմ թախիծին սրտիս,
Քիչ մը զովանամ
Յաւէտ արբենամ։

*********

Երբ սեփական թերութիւններուս հետ հաշտութիւն կնքեցի,
Կեանքը աւելի՛ յստակացաւ։
Քաջութիւն ունեցայ արժեւորելու ինքզինքս եւ շրջապատս։
Չեմ ակնկալեր մարդոցմէ իրենց չունեցածը,
Կը բաւարարուիմ սկզբունքներուս եւ խիղճիս թելադրանքներով։

********

Երջանկութիւնը մեր քովէն կ՛անցնի աննկատ եւ անձայն, երբ մենք զայն կը փնտռենք ամպերուն մէջ։
Երջանկութիւնը լեռը նուաճելն է, մագլցիլն է, ոչ թէ գագաթ հասնիլը։
Երջանկութեան ակնթարթը կ՛անմահանայ եւ կը դառնայ քաղցրիկ յուշ։
Տխրութիւնը կը սահի գորգին վրայէն, որ փռած ենք ուրախութիւնը դիմաւորելու համար։
Տխրութիւնը կը փնտռէ զոհեր, կը հնձէ ուրախութեան բերքը։

********
Սիրտը կոտրելու մէկ խօսք կը բաւէ, բայց դառնացած սիրտը վերանորոգելու ո՛չ ներողութիւն, ո՛չ ալ ամբողջ կեանք մը բաւարար է։
Խորունկ ճեղքէն արցունք կը կայլակէ,
Անհնար է վէրքը դարմանել,
Կարկտանը անհրապոյր է, լոկ խաբկանք է։

********

Խորհրդաւոր համանուագը քմայքոտ պահերուն,
Ստեղնաշարէն կը ժայթքին սեւ ու սպիտակ մեղեդիներ, թրթիռներ,
Մերթ արցունք, մերթ ժպիտ,
Թաքուն իղձեր, կարօտ սպասում,
Հոյլ-հոյլ աստղեր, ծովեր անհուն։


ԱՐԱՔՍ ՓԻԼԱՒՃԵԱՆ


__________________________________________________________
Armweeklynews.am [05.06.2016]
ԱՐԱՔՍ ՓԻԼԱՒՃԵԱՆԻՑ Կարօտի ու թախծի քրոնիկոններ
 
© 2010-2018  Կապը »  Contacts Այցելեք » Facebook
Most popular tags
Գարօ Փայլան Երվանդ Քոչար Հռոմի պապ ANCA Nor Zartonq Poetry Competition Ethiopian Music Գրիգոր Զօհրապ Շառլ Ազնավուր Cyprus elections Operation Nemesis սակագներ Data Driven Marvel Disney movies Lucasfilm Netflix Ռուբեն Վարդանյան Helen Fisher  Rouben Sevak  Լիբանան Շանթ  Elisa de Filebo  William Saroyan
  Մշակույթ  
ՊԱՏՄՈՒԹԻՒՆ ՀԱՅՈՑ ԱՄՍԹԷՐՏԱՄԱՅ ԵՒ ՍՈՒՐԲ ՀՈԳԻ ԵԿԵՂԵՑՒՈՅ [03.06.2016]

Rouben Sevak: I sing a last song to my old soul in gloom… [31.05.2016]

Ֆրանսան այնքան ազատ է , որ երկրին մեծերն իրենց ընտրած ժողովուրդին դէմ կ՛ելլեն [27.05.2016]
Սուրիա – խոյս տալ թէ մնալ` Հալէպի բնակիչներուն ողբերգութիւնը [27.05.2016]
Գարեգին Նժդեհի կոչը՝ Մեծ Ղարաքիլիսայի (Վանաձոր) բնակչությանը-1918, մայիս [25.05.2016]
Այս ի՜նչ ողորմելիութիւն է. ո՞ր դարուն մէջ կ'ապրինք արդեօք [16.05.2016]
Վարդգէս Գուրուեան - Պոյքոթենք Թրքական Արտադրութիւնները [18.04.2016]
Моника Белуччи: я верю в важность религии, верю... как в философию![14.05.2016]
ԽԱՉԱՏՈՒՐ Ա. ՔՀՆՅ. ՊՕՂՈՍԵԱՆ- ԵՐԱՆԻ ԹԷ ԻՆԾԻ ԽԱՅԹԷ [13.05.2016]
Sketches of Ancient Armenian Costumes by Eugène Lacoste (1877-1878) [12.05.2016]
Տասը երկիր՝ տասը ազգեր կը ձգտին հասնիլ Եւրատեսիլի աւարտական փուլին [12.05.2016]
Խրիմյան Հայրիկի կտակը - Օրհնեցե՛ք, որ ազգը սիրեն, հայրենիքը սիրեն [06.04.2016]
Հրանտ Մաթևոսյան. տղամարդու պես մի անգամ կանգնեք… [02.05.2016]
 Արխիվ » 2011-14