Լիբանանահայ Գործիչներ Զաւէն Մ. Մսրլեանի Եւ Յովսէփ Արթինեանի Գիրքերու Շնորհանդէսը
Armweeklynews.amՄՇԱԿՈՒՅԹ
 

 

  Լիբանանահայ Գործիչներ Զաւէն Մ. Մսրլեանի Եւ Յովսէփ Արթինեանի Գիրքերու Շնորհանդէսը  

  Օգոստոս 19-ին Թէքէեան մշակութային միութեան մէջ ՀՀ սփիւռքի նախարարի տեղակալ Սերժ Սրապիոնեան մասնակցեցաւ Լիբանանի «Զարթօնք» օրաթերթի խմբագրութեան կողմէ կազմակերպուած լիբանանահայ գործիչներ Զաւէն Մ. Մսրլեանի եւ Յովսէփ Արթինեանի գիրքերու շնորհանդէսին:

 Ձեռնարկին կը մասնակցէին Ռամկավար ազատական կուսակցութեան կեդրոնական վարչութեան փոխատենապետ Լեւոն Պլքեան, վարչութեան անդամներ, Հայաստանի նկարիչներու միութեան նախագահ Կարէն Աղամեան, մտաւորականներ, գրողներ եւ ուրիշներ: Հայերն այսօրի փոխանցմամբ` Լիբանանի «Զարթօնք» օրաթերթի գլխաւոր խմբագիր Սեւակ Յակոբեան հանդէս գալով բացման խօսքով` ըսաւ. «Այսօրուայ շնորհանդէսը խորհրդանշական կարելի է համարել, քանի որ «Զարթօնք» օրաթերթն իր գործունէութեան ամբողջ տարիներուն ընթացքին առաջին ձեռնարկը կ’իրականացնէ Հայաստանի մէջ: Սա նախաքայլ է «Զարթօնք»-ի գրասենեակը Երեւանի մէջ բանալու ուղղութեամբ աշխատանքներ տանելու համար: Շնորհանդէսը տեղի պիտի ունենայ նաեւ Պէյրութի մէջ, սակայն փափաքեցանք նախ եւ առաջ գիրքերը Մայր հողի վրայ ներկայացնել»:

 Իր հօրը նուիրուած` Զաւէն Մ. Մսրլեանի «Մկրտիչ Մսրլեանի ազգային-քաղաքական գործունէութիւնը» աշխատութիւնը ներկայացուց Հայ բարեգործական ընդհանուր միութեան հայաստանեան գրասենեակի փոխտնօրէն Յովիկ Եորտեկեան:

 Ան անդրադարձաւ քսաներորդ դարու 30-40-ական թուականներուն Մերձաւոր Արեւելքի երկիրներուն մէջ յայտնի գործարար, բարերար, Ռամկավար ազատական կուսակցութեան անդամ եւ Հայ բարեգործական ընդհանուր միութեան անդամ, ազգային-քաղաքական գործիչ Մկրտիչ Մսրլեանի բազմաբեղուն գործունէութեան, անոր անցած ուղիին:

 Յովսէփ Արթինեանի «Գուրգէն Եանիգեանի արարքի արձագանքներու եւ հայ-թրքական հակամարտութեան մասին հրապարակումներու մատենագրութիւն» աշխատութիւնը ներկայացուց հալէպահայ գրող, հրապարակախօս, հասարակական գործիչ Թորոս Թորանեան:

Իր խօսքը ըսաւ նաեւ ազատ լրագրող եւ պատմաբան Գէորգ Եազիչեան, որ մասնակցութիւն ունեցած էր Յովսէփ Արթինեանի գիրքի աշխատանքներուն մէջ:

ՀՀ սփիւռքի նախարար Հրանոյշ Յակոբեանի ողջոյնի խօսքը փոխանցեց նախարարի տեղակալ Սերժ Սրապիոնեան` նշելով, որ նման աշխատութիւններու հրապարակումն ու ատոնք հանրութեան ըստ արժանուոյն ներկայացնելը` Սփիւռքը ճանչնալու, ընկալելու եւ հայապահպանութեան կարեւոր ուղիներէն մէկն է:

Նախարարին տեղակալը բարձր գնահատեց Մկրտիչ Մսրլեանի անցած ուղին եւ նշեց, որ ըլլալով Թէքէեան մշակութային միութեան, «Զարթօնք» օրաթերթի, «Անի» գրական ամսագիրի հիմնադիրներէն եւ հովանաւորներէն` ան մեծապէս նպաստած է հայապահպանութեան, գործ, որ մեծ նուիրուածութեամբ կը շարունակեն նոր սերունդները: Հայ ժողովուրդը պէտք է ճանչնայ եւ գնահատէ գործիչը, որ Երկրորդ համաշխարհային պատերազմի տարիներուն աշխուժօրէն մասնակցած է «Սասունցի Դաւիթ» հրասայլային շարասեան ստեղծման, այնուհետեւ Մեծ ներգաղթի կազմակերպման եւ բազում այլ ազգային ձեռնարկներու իրականացման, որ Ս. էջմիածնին, Անթիլիասի դպրեվանքին, Երուսաղէմի Հայոց Պատրիարքութեան, լիբանահայ թեմին եւ ՀԲԸՄ-ին ուղղուած բազում բարեգործութիւններու համար ան Ամենայն Հայոց Կաթողիկոս Գէորգ Զ-ի կողմէ արժանացած է Գրիգոր Լուսաւորիչի ադամանդակուռ շքանշանին:

Սփիւռքի նախարարի տեղակալը բարձր գնագատեց նաեւ Յովսէփ Արթինեանի «Գուրգէն Եանիգեանի արարքի արձագանքներու եւ հայ-թրքական հակամարտութեան մասին հրապարակումներու մատենագրութիւն» աշխատութիւնը եւ կարեւոր համարեց ազգային կեանքին վերաբերող նման մատենագիտական համահաւաք ժողովածուներու ստեղծումը: Ս. Սրապիոնեան նշեց, որ Պէյրութի «Զարթօնք» եւ «Արարատ» օրաթերթերուն մէջ 1973-1995թթ. լոյս տեսած հրապարակումներու այս մատենագրութիւնը կրնայ աղբիւրագիտական կարեւոր ուղեցոյց ըլլալ Հայ դատը, հայ-թրքական հակամարտութիւնները ուսումասիրող պատմաբաններուն համար եւ օրինակ ծառայել` ի մի բերելու Սփիւռքի մէջ հրապարակուող հայագիտական աշխատութիւնները, գիրքերն ու տարաբնոյթ հրապարակումները:

Ներկաներուն ցուցադրուեցաւ նաեւ Հայաստանի նկարիչներու միութեան նախագահ Կարէն Աղամեանի արուեստի գործ հանդիսացող Գուրգէն Եանիգեանին նուիրուած գեղանկարը:


____________________________________________________
Armweeklynews.am [22.08.2016]
Լիբանանահայ Գործիչներ Զաւէն Մ. Մսրլեանի Եւ Յովսէփ Արթինեանի Գիրքերու Շնորհանդէսը
© 2010-2018  Կապը »  Contacts Այցելեք » Facebook
Most popular tags
Գարօ Փայլան Երվանդ Քոչար Հռոմի պապ ANCA Nor Zartonq Կիպրոս Ethiopian Music Գրիգոր Զօհրապ Շառլ Ազնավուր Cyprus elections Operation Nemesis սակագներ Data Driven Marvel Disney movies Lucasfilm Netflix Ռուբեն Վարդանյան Helen Fisher  Rouben Sevak  Ara Güler Շանթ  Elisa de Filebo  William Saroyan  Էրոլ Սարաֆեան  Հրանտ Մաթևոսյան
  Մշակույթ  
Հրանտ Մաթևոսյանին… ինչու մեռավ ձին. պատմողն ասում է, որ զզվանքից ու կատաղությունից [19.08.2016]
Վարդգէս Գուրուեան - Մելգոնեանի Մարզական Կեանքը [18.06.2016]
Լոս Անջելէսի Իրանահայ Միութիւնը Նշելու Է Իր Հիմնադրման 60-ամեակը [10.08.2016]
ԼԻԶՊՈՆԻ ՀԻՆԳ ՀԵՐՈՍՆԵՐՈՒՆ ԵՐԵՍՈՒՆԵՐՐՈՐԴ ՏԱՐԵԼԻՑԸ ՄԱՐՍԷՅԼԻ ՄԷՋ [09.08.2016]
ԵՐԲ ՀԱՆԴԻՊՈՒՄ ԵՆ ՃԳՆԱՎՈՐԻ ՄԵՆՈՒԹՅՈՒՆՆ ՈՒ ԽՈՍՏՈՎԱՆԱՆՔ ԱՂՈԹՔԻ ՍՊԻՏԱԿ ՄՈՄԸ [08.08.2016]
A Clockwork Orange …երկիր մը՝ Սարսափիստան [08.08.2016]
ՍՓԻՒՌՔՆԵՐ. ՎԱԽՃԱՆԱԿԱՆՈՒԹԻՒՆ ԵՒ… ՎԱԽՃԱՆԸ [19.07.2016]
Կապոյտ Յիշատակներ Հրդեհուած Մելգոնեանէն - Դէպի Դասարան [19.07.2016]
Ֆրանսա, Նիս, Յուլիս 14- Ո՞ՒՐ ԵՐԹԱՆՔ ՑԱՒԴ ՏԱՆԵՄ [18.07.2016]
ԱՄԷՆ ԿԻՐԱԿԻ ՆՈՅՆ ԲԱՆԸ Կ՛ԸՍԷԱ [05.06.2016]
Մենք կիսատության գերին ենք, լքված օրհնյալ խենթերի միասնությունից [03.07.2016]
Սադեղ Հեդայաթ - Կուզիկ Դավուդը [13.07.2016]
Կապոյտ Յիշատակներ Հրդեհուած Մելգոնեանէն -Լուսոյ Տաճարը [06.07.2016]
Երբ մշակութային ժառանգությունդ են թալանում, երբ ինքդ ես զիջում թալանչիին [05.07.2016]
William Saroyan - To Armenians, half Armenians, quarter Armenians, and one-eight Armenians! [03.07.2016]
Հետադարձ հասցեատերն այլևս երկնքում է . հույժ գաղտնի հեռագիր ՀՀ հույժ գաղտնի նախագահին [29.04.2016]
 Արխիվ » 2011-2018