Armweeklynews.amՄՇԱԿՈՒՅԹ
 

 

  Պոլսահայ Համայնքի Աղջկանց Որբանոց Գալաֆաեան Տան Յոբելենական Ձեռնարկները  

Պոլսահայ Համայնքի Աղջկանց Որբանոց Գալաֆաեան Տան Յոբելենական Ձեռնարկները

150-Ամեակի Առթիւ Յոբելենական Ձեռնարկներ

23 Ապրիլ 2017 թուականին Իսթանպուլ Գումգափուի հայոց Պէզճեան սրահին մէջ տեղի ունեցան հայ համայնքի աղջկանց որբանոց Գալֆաեան Տան հիմնադրութեան 150-ամեակի առթիւ յոբելենական ձեռնարկներ:

Ձեռնարկները գործադրուեցան երկու փուլերէ բաղկացած ծրագիրներով,որուն առաջինն էր , "Ժուլիա Մութլու եւ ընկերներուն "Հայկական Աւանդական Տարազներ" ցուցադրութեան տողանցքը,իսկ երկրորդն ալ "Յոբելենական Ընթրիք"-ի ճաշկերոյթը: Երեկոյթի ընթացքին գործադրուեցաւ նաեւ հայկական երաժշտական յայտագիր մը որը,խանդավարեց ներկաները:

Հաւաքյթի հրաւիրեալ մեծ թիւով ներկաները իրենց մասնակցութեամբ զօրակցութիւն յայտնեցին Գալֆաեան Տան խնամակալութեան վարժարանի յարատեւութեան ուղղեալ ջանքերուն համար: Գալֆաեան վարժարանը հիմնուած է 1866 թուականին Սրբուհի Մայրապետի կողմէ , Իսթանպուլի Հալըճըօղլու թաղամասի մէջ:

Մինջեւ 1928 թուական ,վարժարանը ծառայած է որպէս, աղջկանց որբանոց,1928-ին գիշերօդիկ վարժարանի վերածուելով շարունակած է իր գոյութիւնը : 1971-ին վարժարանը տեղափոխադրուած է Իսթանպուլի Սկիւտար թաղամաս: Ներկայիս ,վարժարանի Սկիւտարի շէնքը կը ծառայէ, որպէս ննջարան Գալֆաեանի աշակերտներուն,իսկ Գալֆաեան վարժարանը կը գործէ Սկիւտարի Սէմէրճեան-Ճեմարան հայկական վարժարանի շէնքին մէջ,նախակրթութեան եւ միջնակարգի բաժիններով:

Յոբելենական հանդիսակատութիւններու շարրքէն "Հայկական Աւանդական Տարազներ"ը ցուցադրուեցան "Ժուլիա Մութլու եւ Պարախումբ"-ի կողմէ , խումբը կը բաղկանայ 35 հոգիէ: Խումբը հիմնուած է 1996 թուականին "Դալար" անունով , ապա վերջ "Դալար"-ը վերանուանուած է "Ժուլիա Մութլու եւ Պարախումբ" անունով: Խումբը կը ցուցադրէ 1550 թուականէն սկսեալ մինչեւ այսօրուայ հայ ընկերային կեանքի տարբեր խաւերու եւ տարիքի հայ կանանց,տղամարդոց եւ երեխաններու կրած աւելի քան 100 ազգային տարազները:

Հայկական Տարազներու ցուցահանդէսը եւ տողանցքի ընթացքին Պր.Իշխան Չիմէնի կողմէ ցուցադրուած Կաթողիկոսական Տարազը եւ եկեղեցական երաժշտութիւնը արժանացած է ներկայներու բարձր գնահատանքին եւ ստեղծած է հոգեզմայլ ու խորհրդաւոր մթնոլորտ մը

Խումբի հիմնադիր ու գեղարուեստական ղեկավարն է ,Ժուլիա Մութլու, որը արխիւներէ ուսումնասիրութիւններ կատարելով կը գտնէ հայկական տարազներու նմոյշները, որոնց հիման վրայ կը կարէ այս տարազները:

Խումբը ելոյթներ ունեցած է Թուրքիա, Հայաստան, Պուլկարիա եւ Եւրոպայի զանազան երկիրներու մէջ:

Տօքթ.Սարգիս Ատամ

********

ՏՕՔԹ.ՍԱՐԳԻՍ ԱՏԱՄ
Կենսագրական

Սարգիս Ատամ ,Ծնած է 5 Ապրիլ 1945 թուականին Իսթանպուլ, նախակրթարանի կրթութիւնը ստացած է Պոլսոյ Հայոց Պէզէզեան և Ֆէրիգիւղի Հայոց Մէրամէթճեան վարժարանի իսկ Լիսէի ուսումը,Վիէննական Մխիթարեան Միաբութեան Իսթանպուլի Մխիթարեան Լիսէի մէջ։ Լիսէի ուսումը աւարտելէ վերջ,1964-1965 կրթական տարեշրջանին, յաջողելով Իսթանպուլի Պետական Համալսարանի մուտքի քննութիւնը, Պոլսոյ Պետական համալսարանի բժշկագիտութեան բաժնի մէջ կ'սկսի իր բարձրագույն ուսումին։ 1972 թուականին համալսարանէն շրջանաւարտ կ'ըլլայ, որպէս բժիշկ։ Զինուորական ծառայութիւնէն եւ Իսթանպուլի Հայոց Սուրբ Փրկիչ ազգային հիւանդանոցի վիրաբուժական բաժնի մէջ երկու տարի որպէս բժիշկ ծառայելէ վերջ 1975 թուականին Գերմանիոյ մէջ կ'սկսի բժիշկագիտական մասնագիտութեան իր աշխատանքին։ 1976-1979 թուականներու միջեւ Իւրոլոժի մասնաբաժնի մէջ աշխատանք տանելէ յետոյ, իր բժիշկական մասնագիտական աշխատանքը կը շարունակէ Զգայազրկում, Վերակենդանացում և Խտացեալ Դարմանումի մասնաբաժինի մէջ:1985 թուականին կը դառնայ մասնագետ բժիշկ։

Երկար տարիներ, Գերմանիոյ հիւանդանոցներու մէջ որպէս մասնագէտ և աւագ բժիշկ կը ծառայէ և 2008 թուականին առողջական պատճառներով պաշտօնաթող կ'ըլլայ եւ հանգիստի կը կոչուի։

Տօքթ. Սարգիս Ատամ, միեւնոյն ատէն գրիչի մշակ մըն է, որպէս պատուակալ աշխատակից հայ մամուլի զանազան թերթերու և պարբերաթերթերու մէջ իր ստորագրութիւնով Հայերէն եւ Թրքերէն լեզուներով կը հրապարակուին հայոց պատմութեան, գրականութեան, քաղաքականութեան, ընկերային կեանքի և հայ մշակոյթի վերաբերեալ յօդուածներ ու ուսումնասիրութիւններ:

Տօքթ. Սարգիս Ատամ 1995 թուականէն ի վեր ,Գերմանիոյ Հայոց Առաջնորդութեան երդիքին տակ Գերմանիոյ Հայ գաղութիւն կը ծառայէ որպէս, թեմական խորհրդի անդամ. Ան նաեւ, Գերմանիոյ Հայ Բժիշկներու եւ Բուժաշխատողներու Միութեան եւ նաեւ "Նայիրի" Հայ Մանկանց Բարեգործական Միութեան հիմնադիր եօթը անդամներէն մին է,ան ստանձնած է նաեւ համայնքային և ազգային կազմակերպութիւններու և միութիւններու մէջ վարչական այլ պաշտօններ։

Տօքթ. Սարգիս Ատամ ամուսնացած է նախկին Պոլսեցի ատամնաբուժուհի Մարի Աքկիւլ Ատամ ի հետ, ունի երկու դուստր և երկու թոռներ ։ 1975 թուականէն ի վեր բնակարան հաստատած է Գերմանիոյ մէջ։


--------------------------------------------------------------
Armweeklynews.am [26.04.2017]
Պոլսահայ Համայնքի Աղջկանց Որբանոց Գալաֆաեան Տան Յոբելենական Ձեռնարկները




© 2011-2017  Կապը »  Contacts  Այցելեք » Facebook
Most popular tags
 Գարօ Փայլան  Երվանդ Քոչար  Հռոմի պապ ANCA Nor Zartonq  Կիպրոս Քեսապ  Գրիգոր Զօհրապ  Շառլ Ազնավուր  Cyprus elections  Operation Nemesis  Վահան Թէքէեան  Data Driven  Marvel  Disney movies Lucasfilm  Netflix  Ռուբեն Վարդանյան  Helen Fisher   Rouben Sevak  Ara Güler  Շանթ   Elisa de Filebo   William Saroyan   Մելգոնեան Կրթական  Հրանտ Մաթևոսյան
Sarkis Adam
  Մշակույթ  
Վարդգէս Գուրուեան - Ալիսը [25.04.2017]
Դասընկերներս-Վարդգէս Գուրուեան [21.04.2017]
ՍՈՒՐԲ ՅԱՐՈՒԹԵԱՆ ՄԻՋԵԿԵՂԵՑԱԿԱՆ ՏՕՆԱԿԱՏԱՐՈՒԹԻՒՆ ՄՕՆԱՔՈՅԻ ՄԷՋ [19.04.2017]
Մեր Գիշերապահները [19.04.2017]
Մելգոնեանի Պաշտօնեաները [17.04.2017]
Անգլերէնի Մեր Ուսուցիչները [17.04.2017]
ԱՐՈՒԵՍՏԱԳԷՏՆԵՐՈՒ ՊԱՏԱՐԱԳ [10.04.2017]
Կոմիտաս վարդապետ .մեկ հասկըցւած անկեղծ ձայն հազար ճառ կարժէ [12.03.2017]
Օ՜, Օր. Քէշիշեան, գիտե՞ս աշակերտներդ որքա՜ն կարօտցած են քեզ [02.03.2017]
Մեր Ուսուցիչներէն ՝Գէորգ Յակոբեան [27.02.2017]
՛՛ԵՍ ՍԷՆ ՎԱԼԱՆԹԷՆԸ ՉԵ՛Մ ՍԻՐԵՐ՛՛՛- ԿԱՄ ԱԼ ՝ ՈՒՐԱԽ ԲԱՐԵԿԵՆԴԱՆ [27.02.2017]
Սիրահարված վրձին...ուսեր, կտավ ճերմակ ու լայն [23.02.2017]
ԱՂԱՒՆԻՆԵՐ [23.02.2017]
 Արխիվ » 2011-2017