Armweeklynews.amՄՇԱԿՈՒՅԹ
 

 

  Գաբրիէլ Երանեան – “Կիլիկիա“ եվ “Հայաստան Երկիր Դրախտավայր“ երգերի հեղինակ  

Գաբրիէլ Երանեան – “Կիլիկիա“ եվ “Հայաստան Երկիր Դրախտավայր“ երգերի հեղինակ

Երջանկահիշատակ պոլսահայ երաժիշտ Գաբրիէլ Երանեանն է “Կիլիկիա“ եվ “Հայաստան Երկիր Դրախտավայր“ երգերի հեղինակը:

Պոլսոյ մէջ, կեանքի կոչուած երաժշտական առաջին ընկերութեան` “Քնար Հայկական“ի կազմակերպիչներէն, Գաբրիէլ Երանեան ծնած է Պոլիս 1827 թուականին, յաճախած է տեղական ազգային վարժարանը, աշակերտելով Արիստակէս Յովհաննէսեանին: Անբաւարար նկատելով իր ուսուցչի տուած հայկական ձայնագրութեան գիտելիքները, միաժամանակ զբաղուած է եւրոպական ձայնագրութեան ուսումնասիրութեամբ, մեծ նշանակութիւն տալով Եւրոպական ձայնագրութեան ուսուցման:

Այս է պատճառը, որ իր նախաձեռնութեամբ եւ գործակցութեամբ հրատարակուած երաժշտական պարբերաթերթերու նիւթերը տպագրուած են բացառապէս Եւրոպական ձայնագրութեամբ: Այդպէս էր “Քնար Արեւելեան“, ինչպէս նաեւ “Քնար Հայկական“ը թէ՛ առաջին եւ թէ՛ երկրորդ շրջանին:

 Գաբրիէլ Երանեան, աշխատելով իբրեւ երաժշտութեան ուսուցիչ Պոլսոյ թաղամասերէն` Խաս գիւղի վարժարանին մէջ, ան` միաժամանակ գործօն մասնակցութիւն բերած է, հայ երաժշտական-հասարակական կեանքին:

Երանեան հեղինակ է ազգային-հայրենասիրական շարք մը երգերու: Ինչպէս “Կիլիկիա“, “Հայաստան Երկիր Դրախտավայր“, “Արիք Հայկազունք“, “Հայ Ապրինք“ եւ այլն երգեր, որոնք յետագային նկատի առնուելով Կարամուրզայի երգչախումբի երգացանկէն ներս, տարածուած են նաեւ Արեւելեան Հայաստանի մէջ:

“Հայաստան Երկիր Դրախտավայր“ երգը կը հանդիսանայ որպէս լայնաշունչ արիա, որ ժամանակին, Տարօնի սոխակ` հանրահռչակ երգիչ Արմենակ ՇահՄուրատեանի մենակատարութեամբ եւ Կոմիտաս Վարդապետի դաշնամուրի մասնակցութեամբ` ձայնագրուած է երգապնակի վրայ:

Բացառիկ ժողովրդականութիւն կը վայելէ “Կիլիկիա“ երգը իր խոր հայրենասիրո¬թեան եւ մեղեդիական գեղեցկութեան շնորհիւ:

Դժբախտաբար, Գաբրիէլ Երանեանի կեանքը շատ կարճատեւ ըլլալով – հազիւ 35 տարեկան – մահացած է 1862 թուականին, ստեղծագործական ուժերու ծաղկման շրջանին:

Ահա, “Կիլիկիա“ երգը:

********
Երբոր բացուին դռներն յուսոյ
Եւ մեր երկրէն փախ տայ ձըմեռ,
Չքնաղ երկիրն մեր Արմենիոյ
Երբ փայլէ իւր քաղցրիկ օրեր,
Երբոր ծիծառն իր բոյն դառնայ,
Երբոր ծառերն հագնին տերեւ`
Ցանկամ տեսնել զիմ, Կիլիկիա,
Աշխարհ` որ ինձ ետուր արեւ:

Հասակ մը կայ մեր կենաց մէջ
Ուր ամենայն իղձ կ՛աւարտի,
Հասակ մը` ուր հոգին իր տենչ`
Յիշատակաց իւր կարօտի.
Յորժամ քնարն իմ ցրտանայ,
Սիրոյն տալով վերջին բարեւ`
Երթամ ննջել իմ Կիլիկիա,
Աշ¬արհ` որ ինձ ետուր արեւ:

ԱՐՍԷՆ ՍԱՅԵԱՆ

--------------------------------------------------------------
Hairenikweekly.com / Armweeklynews.am [04.05.2017]
Գաբրիէլ Երանեան – “Կիլիկիա“ եվ “Հայաստան Երկիր Դրախտավայր“ երգերի հեղինակ




© 2011-2017  Կապը »  Contacts  Այցելեք » Facebook
Most popular tags
 Գարօ Փայլան  Երվանդ Քոչար  Հռոմի պապ ANCA Nor Zartonq  Կիպրոս Քեսապ  Գրիգոր Զօհրապ  Շառլ Ազնավուր  Cyprus elections  Operation Nemesis  Վահան Թէքէեան  Data Driven  Marvel  Disney movies Lucasfilm  Netflix  Ռուբեն Վարդանյան  Helen Fisher   Rouben Sevak  Ara Güler  Շանթ   Elisa de Filebo   William Saroyan   Մելգոնեան Կրթական  Հրանտ Մաթևոսյան
  Մշակույթ  
Պոլսահայ Համայնքի Աղջկանց Որբանոց Գալաֆաեան Տան Յոբելենական Ձեռնարկները [26.04.2017]
Մելգոնեանի Հոգաբարձուները ... [26.04.2017]
Վարդգէս Գուրուեան - Ալիսը [25.04.2017]
Դասընկերներս-Վարդգէս Գուրուեան [21.04.2017]
ՍՈՒՐԲ ՅԱՐՈՒԹԵԱՆ ՄԻՋԵԿԵՂԵՑԱԿԱՆ ՏՕՆԱԿԱՏԱՐՈՒԹԻՒՆ ՄՕՆԱՔՈՅԻ ՄԷՋ [19.04.2017]
Մեր Գիշերապահները [19.04.2017]
Մելգոնեանի Պաշտօնեաները [17.04.2017]
Անգլերէնի Մեր Ուսուցիչները [17.04.2017]
ԱՐՈՒԵՍՏԱԳԷՏՆԵՐՈՒ ՊԱՏԱՐԱԳ [10.04.2017]
Կոմիտաս վարդապետ .մեկ հասկըցւած անկեղծ ձայն հազար ճառ կարժէ [12.03.2017]
Օ՜, Օր. Քէշիշեան, գիտե՞ս աշակերտներդ որքա՜ն կարօտցած են քեզ [02.03.2017]
Մեր Ուսուցիչներէն ՝Գէորգ Յակոբեան [27.02.2017]
՛՛ԵՍ ՍԷՆ ՎԱԼԱՆԹԷՆԸ ՉԵ՛Մ ՍԻՐԵՐ՛՛՛- ԿԱՄ ԱԼ ՝ ՈՒՐԱԽ ԲԱՐԵԿԵՆԴԱՆ [27.02.2017]
 Արխիվ » 2011-2017